Dos persona irido despues mismo diila uban na construction site el ya tahya y lancia canila na Nazareth Village, Culianan del Martes por la noche.
El maga victima amo canda Feliciano Calibo y Eran, 51 y Joshua Engo y Billones, 21.
El suspechao amo si Merlen Batsinilya y Mangubat, 34, de Camino Nuevo.
Con Calibo ya tahya si Merlen mientras con Engo ya lancia.
El pulis ya habla el peleya ya principia cuando nohay pursigi bolbe si Merlen cuando ya busca este con el vianda que ya prepara le y ya sale perdido.
Ya causa si Merlen con Calibo quien alegaomenta ya come consu comida siporque ya tahya le coneste mientras si Engo ya precura pasigua conquien tamen le ya lancia usando tejeras.
Con el suspecaho ya aresta el pulis depues del incidente.
El maga victima admitido ya na hospital.
