SAGAY CITY – Nahold-apan naman ang isa ka distributor-collector sang EJ Trading las 2:30 kahapon sang hapon sa Purok Commercial, Barangay Paraiso.
Nakilala ang biktima kay Adelyn Bacaron, 50 anyos sang Sitio Libo, Barangay Alimango syudad sang Escalante.
Sa imbestigasyon sang Sagay PNP, gulpi nga gintayaan sang suspek nga nakilala kay Alyas Metoda ang biktima kag ginkuha ang iya shoulder bag.
Ang bag ang may unod nga cash nga nagabalor P60,000 pesos kag mga personal nga mga pagkabutang kaangay sang cellphone.
Nagpalagyo ang suspek sakay sa iya motorsiklo nga blue padulong sa area sang Cadiz City.
Wala pa ini nadakpan tubtob karon.
Facebook Comments
