Gunit na sa Regional Anti- Cyber Crime Unit (RACU) sa Police Regional Office 13 ang kaso sa labing unang nabiktima sa Momo Challenge dinhi sa rehiyon nga nahitabo sa usa ka Grade 7 nga estudyante sa Libertad National High School.
Gikompirma ni P/Col. Albert Magno, city Director sa Butuan City Police Office (BCPO) nga biktima gyud sa Momo challenge ang 15 anyos nga dalagita basi usab sa mga saysay niini sa gihimung imbistigasyon sa kwerpo sa kapulisan.
Sigun ni P/Col. Magno nga adunay igung katakos ang RACU sa PNP sa pag-trace sa server sa Momo challenge nga kalit nag pop-up sa computer samtang nag-internet ang biktima diha sa P-6, brgy. Libertad ning syudad sa Butuan.
Subay niini nanawagan si P/Col. Magno sa mga ginikanan nga kanunay bantayan ang lihuk sa mga kabataan aron malikayan nga mabiktima sa Momo challenge.
Una nang misaad si Asst. Sec. Allan Silor sa Department of Information and Communication (DICT) nga makig-alayon sila sa PNP alang sa imbistigasyon sa Momo challenge.
[image: momo.jpg]
