Nagkahiusa ang Armed Forces of the Philippines, Philippine National Police ug Commission on Elections alang sa pagsiguro sa malinawong piniliay sa Mayo 13 ning tuiga.
Matud nilang 403rd Infantry Brigade Commander Col. Edgardo De Leon ug PNP Provincial Director Benedicto Pintor, ila nang naplastar ang mga detalye sa pagpadala og mga sundalo lakip na pulis alang sa mas sayon nga koordinasyon ug hapsay nga mga lakang panahon sa piliay.
Basi sa rekord nga natala sa mga mi-aging eleksyon, namonitor sa PNP ang 75 ka mga barangay nga giila isip “areas of immediate concern” kon mga lugar nga kinahanglang bantayan.”
Giklaro sa ni Pintor nga ang iyang mga sakop ang mobantay sa mga “polling centers”.
Ang probinsya sa Bukidnon naglangkob sa 20 ka lungsod; duha ka syudad; 464 ka mga barangay; ug dunay kinatibuk-ang 875,634 ka mga rehistradong botante.
