Pareho nga nagpa-blotter sa Police Station 3 ang presidente sang Home Owners Association sang Gold Crest Subdivision sa Brgy. Bata, Bacolod City kag si COMELEC Commissioner Rowena Guanzon kasunod sang insidente sang gina-alegar pagpanita sang opisyal sa mga guwardiya.
Sa interview sang DYHB sa isa sa mga guwardiya sang subdivision nga si Retired Staff Sergeant Dorotoe Dilag, nagsulod ang salayan ni Commissioner Guanzon pasado las-4:00 kahapon, apang ini ang gin flag down sang isa pa ka gid ka guwardiya nga si Edmundo Araos bangud sang gina-alegar daan na nga sticker ukon car pass.
Suno pa kay Dilag, matapos nila nga gin flag down ang salakyan ni Guanzon, ginsita sila sang opisyal gani ila na lang ini ginpasulod apang matapos ang 30 minutos nagbalik ang opisyal kag gina-alegar nga may sukbit pa nga armas kag sila ang ginpasipalahan kag ginpahog nga patyon.
Dira na kag nagpalapit si Retired Colonel Larry Decena, nga anay director sang Bacolod City Police Office (BCPO) kag presidente sang Home Owners Association kag sila naman ni Guanzon ang nagsabtanay.
Matapos ang insidente ginplano ni Decena nga magpa-blotter sa Station 3 apang sa ila pag-abot, nakapa-blotter naman ang ginapahayag abogado ni Atty. Guanzon. Ginatunguhaan naman sang DYHB nga malab-ot ang bahin ni Atty. Guanzon tuhoy sa insidente, apang sa pinakaulihi nga impormasyon nga nakuha sang DYHB gin-inquest na ang kaso nga ginpasaka naman sang Comelec Commissioner batok kay Decena sa City Prosecutors Office sini nga aga.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
