Gisugyot sa Commission on Elections kon Comelec ang mga mukandidato sa Mayo 14 barangay ug SK elections nga personal nga muduso sa ilang certificate of candidacy kon COC.
Sa interview sa RMN Malaybalay ngadto kang Atty. Chubasco Caiña, ang city election officer sa siyudad gibutyag ninii nga bisan ug mamahimong representante lamang ang muduso mas maayo ug personal aron ma-agapan gilayon kung adunay problema.
Apan kung dili usab malikayan nga representante lamang kinahanglan nga adunay special power of attorney ug kompletohon ang mga dokumento.
Sumala pa sa buhatan nga ang kwalipikadong mudagan, kinahanglan siya nga usa ka Filipino citizen, rehistradong botante sa barangay nga adto siya magpapili, nagpuyo siya sa maong barangay sa labing menos usa ka tuig sa di pa ang eleksyon, makamaong mobasa ug mosuwat ug labing menos 18 anyos ang edad sa adlaw sa eleksyon.
Subling nagpahimangno usab siya sa mga muduso sa COC nga adunay espisipikong porma sa posisyon nga ilang daganan.
Una nang nanawagan kini nga kung sayuhon ang pagduso sa COC tungod kay 7 ka adlaw lang ilang gitagana ug lauman nga mukabat sa 1,400 kapin kon kulang ka kandidato ang mo-file sa dakbayan.
Nagsugod ang filing sa COC kaniadtong Sabado, Abril 14 ug mulungtad sa karong Biyernes, Abril 20 ning tuiga.
