Kalibo, Aklan — Ginkadismaya it Comelec Kalibo rong manaba nga turn-out it mga nagparehistrong botante iya sa banwa it Kalibo.
Sa pakikipag-angot it RMN DYKR Kalibo kay Atty. Romel Benliro, Comelec Officer it banwang Kalibo ag imaw man ro spokesperson it Provincial Comelec nga sa gintaeana it Comelec nga daywang buean nga rehistrasyon ag nagtapos kahapon hay may kapin sa daywang libo eamang rong nagparehistro sa kabilugan nga an-um nga libong andang naharekord nga nag Failure to Vote Twice (FVT) sa mga nagtaliwang eleksyon.
Dugang pa nana nga rong daywang libo nga nagparehistro ngara hay bukon pa it tanan hay halin sa numero it FVT kundi mga bag-o ag mga nagparehistro para sa Sangguniang Kabataan (SK).
Ginapanan-aw man nana ro posibleng dahilan kara hay basi nag-abroad , namatay nga mga na-deactivate, pagsaylo it rehistro ag iba pa.
Samtang sa ulihing adlaw it rehistrasyon kahapon Setyembre 30 hay gindagsa rong opisina it Comelec Kalibo ko mga gusto pang magparehistro ugaling hasta eamang it alas 3:00 ro gintaeana nga oras rason nga ro mga naga pila hay ginlista ro pangaean ag ro kutob sa ma accomodate nanda hasta alas 5:00 it hapon hay gin accomodate eon lang.
#TatakRMN
