Nanawagan ang Commission on Elections kon COMELEC sa mga magpapili sa 2019 midterm election nga dili na paaboton ang deadline sa filing sa ilang certificate of candidacy (CoC).
Subling gikumpirmar sa buhatan nga dili na sila mohatag pa’g extension sa deadline sa pagduso sa ilang CoC.
Sa interview sa RMN ngadto kang Atty. Stallin Baguio ang provincial election supervisor sa Comelec Bukidnon gipahinumdom niini sa mga gustong magduso sa ilang COC nga didto lamang mukuha ug porma sa ilang buhatan tungod kay adunay bag-ong COC form.
Ang COC nga dawaton sa Comelec Bukidnon ang mga buot mukandidato sa gobernador, bise gobernador, board member ug congressman.
Samtang mamahimong magduso usab sa ilang COC sa COmelec Malaybalay ang gustong mudagan sa pagka mayor, bise mayor, ug city councillor.
Gibana-bana ni Atty. Chubasco Caina nga naa sa 40 kapin kulang ang muduso sa ilang COC sa Comelec Malaybalay.
