Kalibo, Aklan – Arestado it mga kapulisan rong sangka miyembro it Kalibo Auxiliary Police (KAP) matapos nga ginpatigayon rong search operation ag mabuoe ro sangka baril sa anang baeay sa Ati-atihan Compound, New Buswang, Kalibo, Aklan kaina.
Rong subject nakilaea kay Roy Puod y Taladro sa legal nga pang edaron, residente man it nasambit nga lugar ag nakaduty sa munisipyo it Kalibo bilang KAP.
Sa pag search sa anang baeay narecover ro sangka revolver (blackwidow) ag loaded it ap-at ka mga bala it 9mm.
Natigayon nga maaplayan it search warrant rong baeay ni Puod bangud man sa mga reklamo it anang mga kaeapit baeay ag may mga records man eon raya sa Kalibo PNP angot sa pagpinaeopok it baril.
Si Puod hay dati man eon nga nahakulong bangud man sa kaparehong kaso.
Ginpamalibaran man it suspek nga ana rong na recover nga baril.
Magapangatubang it kasong pagbayolar sa RA 10591 ukon Comprehensive Law on Firearms and Ammunitions si Puod.
