Kalibo, Aklan — Ginplastar eon Commission on Elections o Comelec rong “Calendar of Activities” para sa 2020 Barangay ag Sangguniang Kabataan Elections.
Raya hay sa pihak kung hagna nga i-postponed rong eleksyon sa masunod nga dag-on ag raya hay pagahimuon eon lang sa 2022 General Elections.
Sa Resolution No. 10573 it Comelec nga promulgated ko Agosto 15, 2019, nadesisyonan nga itaeana sa Marso 12 hasta Marso 19, 2020 rong filing o pag file it Certificate of Candidacy o COC.
Rong election period man hay umpisa Marso 12 hasta Mayo 18, 2020.
Samtang ron campaign period it mga kandidato hay pagahiwaton umpisa Mayo 1 hasta Mayo 9, 2020.
Sa Mayo 10, 2020 man rong “Election Day” o adlaw it Barangay ag SK election sa bilog nga nasyon, nga pagahiwaton umpisa alas-syete it agahon hasta alas tres it hapon.
Nakabutang sa resolusyon nga rong deadline para sa pagplastar it Statement of Contributions and Expenditures o SOCE hay Hunyo 10, 2020.
