Maaaring ipagbawal ng Commission on Elections (COMELEC) ang face-to-face campaign para sa May 2022 national at local elections dahil nananatili pa rin ang banta ng COVID-19.
Ayon kay COMELEC Spokesperson James Jimenez, ang mga aktibidad gaya ng pamamahagi ng campaign materials, personal na pangangampanya kabilang ang door-to-door campaign ay posibleng ipagbawal muna.
Hindi pa tiyak kung idedeklara ito kaya makikipag-coordinate sila sa Inter-Agency Task Force (IATF) para dito.
Pangamba ng poll body, mabilis kakalat ang sakit kapag nagkaroon ng face-to-face encounter ang mga mangangampanya at ang publiko.
Asahang magkakaroon ng dagdag pa panuntunan lalo na sa campaign rules, paghihikayat sa online campaigning.
Facebook Comments
