Iligan City- Giduso ni Iligan City Lone District Representative Frederick Siao nga himoong bulag ang pagpahigayon sa “local ug national elections” sa sunod nga tuig.
Bu-ot ipasabot niini, ilahi ang pagpahigayon sa piniliay alang sa mga posisyon sa district representatives ug uban pang mga local government positions.
Matud pa ni Siao, ang eleksiyon sa maong mga posisyon kanunay nga adunay mahitabong kagubot busa mas maayo kung ilain kini sa eleksiyon sa Partylist ug sa uban pang national position.
Mamahimong ipahigayon ang piniliay sa mga national posts sa bulan sa Mayo samtang sa Nobyembre o kaha sa Disyembre sa susamang tuig himoon ang local elections.
Kung bulag, matud pa, ang ipahigayong piniliay, mas hapsay kini ug daling bantayan sa mga autoridad. (Divina M. Suson)
