Singapore – Silver medallist rong sangka Aklanon nga kabahin it Philippine Pencak Silat Team sa katatapos eamang nga 18th World Pencak Silat Championship nga ginhiwat sa Singapore.
Nabuoe ni Cherry May Felicidario Regalado ro anang silver medal sa tunggal puri event.
Si Regalado hay tubong Pook, Kalibo, Aklan.
Samtang, sangka silver medal pa rong nabuoe nanday Roch Rod Ortega it Roxas City, James el Mayagma it Dumaguete City ag Jefferson Rhey Loob halin man sa Regu Putra team event.
Nagpaabot man it pag congratulate rong Philippine Sports Commission sa kadaeag-an it Philippine Team sa nasambit nga tournament nga gin partisiparan it may kapin 300 atleta halin sa 40 nasyon.
Rong Pencak Silat hay sangka klase it martial arts nga kaibahan sa mga sport sa Southeast Asian Games ag Asian Games.
