New Washington, Aklan — Arestado rong sangka construction worker sa ginpatigayon nga buy-bust operation ko mga taga New Washington PNP, Aklan PPO PDEU ag PDEA 6 sa Brgy. Ochando, New Washington, Aklan kabii.
Rong suspek nakilaea kay Mark Anthony Silva y Espares alyas ” Tonet”, 30-anyos tubong Bagumbayan, Masbate ag presente nga naga istar sa Brgy. Polo bangud nga idto imaw nakapangasawa ag naga trabaho sa housing project sa Brgy. Ochando.
Nahabakean imaw ko poseur buyer it daywa ka sachet it suspected shabu kabaylo it P3,000 pesos nga buy bust money ag sa ginpatigayon nga body search kana hay nabuoe pa gid ro 6 ka mga sachet it suspected shabu.
Suno kay PSINSP. Cyril Punzalan ro bag ong hepe it New Washinton PNP nga sa time pa it dating hepe nga si PSINSP. Benny Jones Mendoza gina monitor rayang suspek pero kaina eang imaw ha tyempuhan.
Ginpamalibaran mat a it suspek nga uwa it trabsaction nga natabo kundi samtang naga pasakay imaw it tricycle hay gin abangan imaw ag ginpahapa ag gindakop.
Aminado man si Silva nga dati hay naga gamit imaw it ginabawae nga droga pero mabuhay eon imaw nga nag untat.
Si Silva hay bukon it surrendere ag bag ong identified.
Magapangatubang si Silva it kasong pagbayolar sa Section 5 (ro pagbaligya) ag Section 11 (possession) it RA 9165.
