Kalibo, Aklan — Patay rong sangka construction worker matapos nga mabun-an ko Dominggo it aga-aga sa Purok 5, C. Laserna St., Kalibo, Aklan.
Nakilaea ro biktima kay Ryan Mationg, 35-anyos, native it Brgy. Bulwang Numancia pero presente nga naga istar sa nasambit nga Purok ag naka angkon it tama sa dughan.
Samtang rong suspek nakilaea kay Reymark Sabay, 21-anyos ag residente it Purok 4, C. Laserna.
Sa imbestigayson it Kalibo PNP naga guwa nga rayang biktima ag si Reynante Mongaya hay nagapanikangon naga pauli sa andang baeay ag andang nahaagyan ro suspek nga ni Reymark kibahan ro uwa makilaeang kaibahan ag sanda ginmueo.
May nagpatunga nga mainitang diskusyon sa suspek ag biktima hasta nga ko ulihi hay nagbaeaywan sanda ag natumba sa karsada ag ko ulihi naka buoe it siyaw rong suspek ag binuno ro biktima.
Ro nasambit nga insidente hay nasaksihan gid ni Reynante ag imaw mismo nagturo sa mga kapulisan sa suspek.
Sa makaron kulong rong suspek sa lock up cell it Kalibo PNP ag maga pangatubnag it nagakaigo nga kaso.
