CAUAYAN CITY — NAARESTO NG TUAO POLICE STATION ANG ISANG CONSTRUCTION WORKER NA KABILANG SA TOP 10 REGIONAL MOST WANTED PERSONS DAHIL SA PANGGAGAHASA UMANO SA ISANG GRADE 6 STUDENT.
KINILALA ANG SUSPEK NA SI ALYAS JOJO, 32, RESIDENTE NG TUAO, CAGAYAN, NA DINAKIP DAKONG ALAS-DOS NG HAPON NITONG DISYEMBRE 1, 2025 SA BISA NG WARRANT OF ARREST PARA SA TWO COUNTS OF STATUTORY RAPE.
BATAY SA IMBESTIGASYON NG WOMEN AND CHILDREN PROTECTION DESK, NANGYARI ANG KRIMEN NOONG SETYEMBRE 23, 2025 HABANG NASA FISHPOND ANG BIKTIMA KASAMA ANG KANYANG LOLO.
LUMAPIT UMANO ANG SUSPEK, TINAKPAN ANG ILONG AT BIBIG NG BATA HANGGANG MAWALAN ITO NG MALAY.
PAGKAGISING, NATAGPUAN NG BIKTIMA ANG SARILI SA ISANG BAHAY, MAY BAKAS NG PAGDURUGO, AT PINIGILAN PA UMANONG UMALIS NG SUSPEK.
NAGBIGAY PA RAW NG P1,000 ANG AKUSADO AT TINANGKANG TAKUTIN ANG BATA. DAHIL DITO, NAGSUMBONG ANG BIKTIMA SA KANYANG GURO, NA AGAD NAMANG NAG-ABISO SA MGA MAGULANG AT PULISYA.
TINUKOY ANG SUSPEK BILANG NO. 10 SA REGIONAL MOST WANTED LIST, AT AGAD SIYANG INARESTO SA BISA NG WARRANT NA INILABAS NG SECOND JUDICIAL REGION, BRANCH 11 NG TUAO.
