Construction worker nagbigti, patay

Batan, Aklan — Patay rong sangka construction worker matapos nga magbigti sa Brgy. Lalab, Batan ko nagtaliwan nga Pebrero, 23, 2018.
Ro biktima nga uwa eon ginpangaeani hay nagapang edaron it 20-anyos ag residente man it nasambit nga lugar.
Suno kay SPO1 Jose Patron it Batan PNP, nga nabaton nanda rong report halin kay Punong Barangay Ana Marie Bautista ag gin verify nanda rong report.
Pag-bot sa lugar hay nakita nanda rong biktima nga naga kabit ag may higot sa liog sa sueod ko andang baeay.
Sa imbestigasyon naga guwa nga bago rong insidente hay ginsugo ko anang lola ro biktima nga magi num it bueong ay may ana nga ubo ag eagnat, ugaling ginsabat it biktima ro anang lola nga “ano ta inyong eabot kon mamatay ako”, pagkatapos kara hay nag-adto ro anang lola sa pihak nga baeay sa ana man nga apo ag ginsugo nga adtunan ro biktima ay basi kon maalin.
Gin-adtunan man ko anang apo ro biktima ag nakibot raya tag makita nga naga bitay eot a sa sueod ko andang baeay gamit rong nylon cord nga ginhigot sa li-og ag sa baeayan ko andang baeay.
Uwa man it ko ano nga makitang dahilan rong lola ag ro kapulisan sa pagpakamatay it biktima, uwa man it suicide note, ro anang cellphone uwa man it kon ano nga mensahe ngamaging dahilan ag bangud kara hay ginakabig lang nga raya hay sangka palin suicide.