Nagapadayon na ang contact tracing sa Brgy. Sincang Airport sa ciudad sang Bacolod matapos nga nagpositibo sa coronavirus si Punong Barangay Rosinie Distrito kag asawa sini nga si Jade.
Sa interview sang DYHB kay Atty. Ceasar Distrito, anay konsehal sang Bacolod kag utod ni Punong Barangay Rosinie, ginpahayag sini nga gina-trace na ang mga nakapalapit sa opisyal kag nagpatigayon naman sang disinfection sa ila barangay hall. Kagab-i sang gin-anunsiyo sa Facebook ni Kapitan Rosinie nga ini ang positibo sa virus kag ang iya asawa matapos nga sila ang nagpa-swab test sang Agosto 15.
Ginpahayag ni Atty. Ceasar nga bangud sa trabaho sang iya utod nga amo man ang nagapanguna sa away kontra COVID-19, indi gid malikawan nga ini ang makaatubang sa mga posible positibo sa virus. Nagasuspetso man sila nga posible nalatnan si Kapitan Rosinie bangud sang naistorya sini nga abyan niya nga isa ka engineer nga nakapakigkita kay Punong Barangay Boy Pico sang Brgy. Mansilingan nga positibo man sa coronavirus.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
