Gibisita ni Former Senate President Aquilino Nene Pimentel Jr. ang convention center sa Barangay Indahag kagahapong adlawa uban ni Mayor Oscar Moreno, pipila ka sakop sa konseho, mga department heads ug pipila ka bisita.
Nasayran nga ang maong convention center gipundohan niadtong tuig 2000 sa kantidad nga 125 milyon pesos ug hangtod karong panahona nagpadayon pa ang pag construct niini ug anaa na sa 56% ang kinatibuk-ang accomplishment.
Ang maong convention center dunay total lot area nga kapin sa 44-thousand sq meters (4.4 hectare), ang setting capacity sa main arena mokabat sa 7,700 ka tawo, function room 700 ka tawo nga dunay nagkadaiyang amenities ug ang mo market niini mao ang Tourism Infrastructure and Enterprise Zone Authority kon TIEZA alang na usab sa dugang restoration plan.
Samtang, gibutyag ni kanhi Senador Nene Pimentel Jr. nga rason sa pagkalangan niini mao ang DPWH sa dugay nga implementation kaniadto ug dili kwarta ang rason tungon kay sige siyag hanyo sa senado kaniadto alayon na sa pundo ug tungod usab sa iyang mga kontra sa politika nga gababagan ang iyang mga proyekto ug hangyo niini nga mapangalan ngadto kang kanhi Mayor Pablo Ambing Magtajas ang maong convention center.
