BACOLOD CITY – Padayon pa nga ginbulong sa ospital ang 32 anyos nga si Robel Mande sang Purok BM, Barangay Taculing, isa ka STL coordinator, matapos ini ang ginluthang sang riding in tandem sang Sabado sang hapon sa Libertad Extension Road, malapit sa opisina sang BIR.
Suno kay P/Chief Insp. Wilfredo Benoman Jr, hepe sang Police Station 6, tubtob subong padayon pa ang ila nga imbestigasyon kon ano ang motibo kag sin-o ang riding in tandem nga nagluthang sa biktima.
Madumduman nga sakay ang biktima sa iya nga Motorsiklo halin sa Libertad Public Market, agud magpauli sa ila balayapang pag-abot malapit sa Bureau of Internal Revenue Office, ginluthang ini sang wala makilala nga mga suspetsado.
Nakaagom ini sang igo sang bala sa iya nga liog, gamit ang 9mm pistol.
