Gina-klaro ni Bacolod Councilor Cindy Rojas nga wala ini sang plano nga magpadalagan sa mas mataas nga posisyon sa masunod nga eleksyon.
Gin-post ni Rojas ang iya sentimento sa iya social media account, bangud suno sa konsehala, maka-pila ka beses na ini nga ginalawag ni Atty. Alex Espino sa iya radio program.
Pabutyag ni Rojas nga wala ini kadumdom nga nag-decklara siya nga magapapili sa pag-congresswoman kontra kay Congressman Greg Gasataya.
Suno sa konsehal nga madamo na sang apektado bangud sa gina-himo nga ‘kutso kutso’ ni Atty. Espino sa iya nga programa sa radyo.
Gina-klaro man ni Rojas nga may maayo sila nga relasyon ni Congressman Greg sa diin isa ini ka team player sa idalum sang Grupo Progreso.
Gintingwa-an man nga malab-ot sang RMN-DYHB ang kampo ni Atty. Alex Espino pina-agi sa iya bata nga si Councilor Al Victor Espino, apang nagpamalibad ini na sabton ang amo nga isyu.
