Hingpit na gyud nga ipatuman ugmang adlawa, Pebrero 5, ang executive order (EO) nga mag-impound sud sa 30 ka adlaw ang mga masakpang sakyanan nga mag-counter flow.
Niadtong Biyernes, Pebrero 2, gipirmahan na ni Cebu City Mayor Tomas Osmeña ang maong EO.
Suma pa sa operations chief sa Cebu City Transportation Office (CCTO) Francisco Ouano nga 24 oras sa matag adlaw nilang ipakatap sa kadalanan sa Sugbo ang ilang mga tawo para mosita ug modakop sa mga mo-counter flow.
Suma pa ni Ouano nga naa gyuy separate nga mobile patrol team para mo enforce niini nga EO sa mayor. Ang kapulisan pod naay role niining maong hingpit nga implementation sa EO No. 34.
Tambag pa niya nga dili nalang gyud kuno unta mo-counterflow para wa nay madakpan og ma-impound nga mga sakyanan. Liman ba ka og 30 days nga ma-impound imong sakyanan. Kay suma pa ni Ouano nga ang punto ni Mayor Osmeña nga mao ang padisiplina sa mga motorista ug tanang drivers.
Dugang ni Ouano, ang mga exempted nga sakyanan mao lang ang ambulansiya, fire trucks, patrol cars ug uban pang sakyanan nga nagresponde og mga emergencies. Apan suma pa niya nga case to case basis kay sama daw nianang taxi nga naay sakay nga pasyente.
Ikaw idol, kahibaw ba ka nga ugma na ning ipatuman? Paki-share pud aning balitaa sa imong pamilya ug mga hegala.
