Nadugangan sang 78 ang kaso sang coronavirus disease 2019 sa Western Visayas subong nga adlaw, Agosto 20, 2020.
Sa record sang Department of Health Western Visayas, siyam (9) ka kaso ang nagdugang sa syudad sang Bacolod, 19 sa Negros Occidental, duha sa Guimaras, 32 sa syudad sang Iloilo, kag 16 sa probinsya sang Iloilo.
Sa mga bag-o nga kaso, 76 ang local cases, isa ang locally stranded individual (LSI) kag isa ang repatriated overseas Filipino (ROF).
Nagdugang man ang 57 ka bag-o nga recoveries sang balati-an: Bacolod City – 30 Iloilo City – 1 Iloilo Province – 14 Negros Occidental – 3 Capiz – 4
Samtang may apat naman nga nagdugang sa mga napatay: • 60 anyos nga babaye sang La Carlota City – napatay sadtong Agosto 9 • 53 anyos nga lalaki sang Murcia – napatay sadtong Agosto 16 • 86 anyos nga babaye sang Binalbagan – napatay sadtong Agosto 9 • 78 anyos nga lalaki sang Bacolod City – napatay sadtong Agosto 14
Nagsaka na sa 3,125 ang total COVID-19 cases sa rehiyon kon sa diin yara sa 1,660 ang active cases, 1,142 recoveries kag 50 ang napatay.
[image: image.png]
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
