Gitawag ni Monsenyor Perseus Cabunoc, ang Kora Paroko sa Nazareno Church nga pinakangilngig ang Coronavirus Disease kon covid-19.
Sa interview sa dxCC-RMN gibutyag ni Monsenyor Cabunoc nga ang COVID-19 ra ang virus nga nakamando sa tibuok kalibutan nga bisan ang mga santos nga misa ang napaundang niini.
Dugang pa niini, kini usab nga virus ang hinungdan kung nganong ang mga government leaders magpahigayon og lockdown sa ilang mga areas alang sa enhanced community quarantine.
Maghatag matud pa og pahinumdum sa tanan ang corona virus.
Matud sa maong kura paroko, nga angay mamalandong ang tanan ilabina nga nagkaduol na ang semana santa.
Samtang, angay mamalandong ang tanan kung unsa gayud ang relasyon sa matag usa sa Ginoo kon nganung migawas ang mga signos o timaan sama sa unang panahon.
Dugang pa niini, nga angay maghatag og reflection ang katawhan tungod kay basin og mas nahatagan sa tawo ang pagtagad sa mga discovery, material nga paninguha, pagka-selfish ug uban pa.
Gitinguha usab karon sa simbahang katoliko nga makighiusa kung unsa ang concern sa gobyerno.
Kini aron nga mapanalipdan ang katawhan sa mikaylap karon nga corona virus.
Giingong kinahanglan nga magkahiusa ang tanan aron nga mas matagaan og tubag ug maproteksyonan ang tanan batok sa maong virus.
