Ang mga piniriso sod sa Cebu Provincial Detention and Rehabilitation Center kun CPDRC giingnan sa pagbantay sa ilang mga kaugalingon human sa niaging semana nga surprise inspection nga gitawag og “greyhound operation” nga niresulta sa pagsakop sa ubang mga kontrabando.
Karong Lunes, ibalik na ang visitation ug conjugal rights sa mga piniriso sa CPDRC. Pero si acting CPDRC warden, Roberto Legaspi, nihimakak nga ibalik kini tungod sa petisyon nga gipasaka sa mga piniriso batok kaniya sa miaging semana.
Si Legaspi mituo nga adunay high-profile nga suspetsado nga nagpaluyo sa petisyon batok kaniya. “I don’t care what they say. I’m not pressured. If they have a case against me, file it. If they want me out, they go straight to the governor,” (“Wa ko’y labot kung unsa ang ilang isulti. Wa ko na-pressure. Kung aduna sila’y kaso batok kanako, i-file nila. Kung ganahan sila nga mawala ko sa posisyon, adto sila deretso sa gobernador.”), matud pa ni Legaspi.
Sa miaging adlaw, gi-suspenso ni Legaspi ang visitation privileges ug conjugal rights sa tanang mga piniriso sa CPDRC human sa usa ka surprise inspection nga nahitabo sa miaging semana sod mismo sa prisohan ug nakit-an ang 26 kabuok packs nga gi-suspetsahan nga shabu ug illegall drug paraphernalia.
Sigon pa ni Legaspi nga iyang gi-suspendi ang visitation ug conjugal rights sa mga piniriso sa CPDRC kay ganahan siyang susihon kung unsa gyuy nahitabo sa security measures nga iyang gihimo katong siya pa ang acting jail warden sa miaging tuig. Subay sa reinstatement sa visitation ug conjugal rights sa mga piniriso, si Legaspi midungag og security measures sa prisohan ug apil niini ang strikto nga pag-inspect sa tanang mga sakyanan nga mosod sa CPDRC. Bisan pa man sa iyang nasinati sa iyang pagbalik isip acting warden, si Legaspi niingon nga magpabilin siyang determinado nga walay mga kontrabando nga makasulod sa luna sa CPDRC samtang naa pa siya sa posisyon.
