Davao City – Mitunol na og food packs ang Davao City Social Services and Development Office sa mga nasunugan sa Talomo ning syudad sa Dabaw.
Nasayran nga 9:00 ganinang buntag nagsugod og panghatag og food packs sa mga nasunugan ang mao nga buhatan sa pagpanguna ni Luz Parinal.
Gibutyag ni Social Worker Carla Grado nga nag apod-apod na usab ang ilang kitchen mobile og paniudto sa mga pamilya nga nabiktima sa sunog sa Talomo.
Gihimakak sab ni Grado ang mulo sa mga nasunugan nga hinay ang ayuda apan kun nahitabo man kana tungod kinahanglan pa kumpletohon ang listahan sa balidasyon alang sa hinabing.
Hinoon wala gilimod ni Grado nga malangay og hatag ang financial assistance ngadto sa mga biktima dala sa giagiang sa proseso sa tumong nga mahatagan kadto gayod tinuod mga nasunugan.
RadyoMaN Joel Viray
