Davao City – Gisusi na sa mga technician personnel sa City Transport and Traffic Management Office (CTTMO) ang mga wala nag-function nga mga traffic lights sa syudad sa Davao.
Sa interview sa DXDC RMN Davao, gibutyag ni Alfredo Tamayo, Assistant Traffic Operation Officer sa CTTMO, gisugdan na ang pagrepair sa mga traffic lights diin sagad hinungdan sa pagkadaut tungod sa nangaputol nga wire sa ilawom sa yuta nga naapil og kalut sa construction sa mga karsada ug panahon nga mag-ulan, mo-ground ang wirings nga moresulta pagkapalong sa mga suga.
Sumala ni Tamayo, adunay pagkadelatar sa pagrepair sa ubang mga traffic lights tungod kay ang ihulip niini gi-order pa ug wala pa niabot.
Dugang niini, padayon pang-gisusi sa technician in-charge kung pila ka mga traffic lights ang wala na magfunction ug asa nga mga lugar sa syudad.
RadyoMaN Don Pulayao
Facebook Comments
