General Santos City— Mas gipamub-an ang curfew hour sa Gensan. Ang kanhing alas 12 sa tungang gabii ngadto na sa alas 4 sa kadlawon, nahimo kining alas 12 sa tungang gabii ngadto na sa alas 2 sa kadlawon na lamang.
Nasayran nga unang gi-aprobahan sa hawanan sa konseho ang resolusyon nga magsibog sa curfew hours sa Gensan nga magsugod sa Disyembre 15 ngadto sa Disyembre 25 ug Disyembre 31, 2020 ngadto Enero 1, 2021.
Sumala kang City Councilor Jeng Gacal, author sa maong resolusyon nga tumong sa maong ordinansya aron nga mahatagan ug higayon ang katawhan nga maka-selebrar ug pasko ug bag-ong tuig gumikan matag Disyembre 16 nagasugod ang simbang gabi sa mga kaigsuonang katoliko. Malaumon man usab ang Konsehal nga dili i-veto ni Gensan City Mayor Ronnel Rivera ang maong resolusyon nga ilahang na-aprubahan.
Higayon matud pa nga mapirmahan ni Mayor Rivera ang maong resolusyon, gikinahanglan nga kini magpagawas ug laing Executive Order (EQ) aron bag-uhon ang nauna niining mandato nga alas 12:00 ngadto alas 4:00 ang curfew. Apan giklaro niini nga human ang pagsaulog sa bag-ong tuig, pwede na usab ibalik ang curfew gikan alas 12:00 sa tungang gabii ngadto alas 4:00 sa kadlawon.(LVR)
