Nagpahinumdom ang Sangguniang Panlungsod sa siyudad sa Malaybalay kalabot sa naglihok sa kasamtangan nga curfew hour.
Sa interview sa RMN Malaybalay ngadto kang City Councilor Jay Warren Pabillaran, gibutyag niini nga adunay naglihok nga ordinansa kalabot sa curfew hour sa siyudad.
Matud niya nga subay sa codified ordinance, dili basta-basta mugawas ang mga menor de edad.
Gawas niini, gipahinumdom usab niini nga ilawom pa gihapon karon sa martial law ang Mindanao.
Gipahayag usab ni Atty. Pabillaran nga dili absolute kon bug-os ang katungod sa matag usa ug aduna kini limitasyon bisan pa man ug nakalatid sa bill of rights.
Gipasabot ninii nga mamahimong makamando ang presidente o ang chief executive alang sa kaayuhan sa kinabag-an sama sa pagsita sa mga tambay.
Apan kung aduna matud pay reklamo o nayatakan ang ilang mga katungod pwede usab kini nga moreklamo ngadto sa korte nga mao lama’y maka-desisyon sa legalidad sa usa ka kamanduan.
