Gisugdan na kagahapong adlawa sa anti-cyber crime office sa Police Regional Office o PRO 10 ang ilang lawom nga imbestigasyon sa mikalat nga impormasyon sa facebook nga nagbutyag nga nakasulod na sa Mindanao ang ISIS terrorist group gikan sa Malaysia.
Kini ang gikumpirma ni Chief Inspector Ignacio Gamba III ang Hepe sa Anti-cyber crime office sa PRO 10.
Matud ni Gamba, ang ilang gihimong imbestigayon base sa verbal order na nadawat nila gikan kang PRO 10 Regional Director, Chief Supt. Timoteo Pacleb.
Tumong sa imbestigasyon nga susihon kung kinsa ang responsabling mga tawo nga nagpakatag sa maong pekeng impormasyon sa Social Media.
Nasayran nga ang maong impormasyon, nakasulat sa usa ka memorandum nga gipirhaman ni Supt. Rodulfo Hernandez nga hepe sa Intelligence Division sa PRO 10 niadtong Pebrero 27.
Una nang gibutyag ni PRO 10 Spokesperson Supt. Lemuel Gonda, nga gi-forge ang pirma ni Supt. Hernandez sa wala mailang mga tawo.
Gi-ila ni Director Pacleb nga malisyoso ang maong impormasyon ug nakada-ot kini sa dungog dili lamang sa PRO 10 apan sa tibuok PNP organization.
-o0o- web photo
