National news – Target sa Department of Enegry o D-O-E nga mag-angkat sa mas baratong diesel sa Hulyo.
Matud ni Energy Assistant Secretary Leonido Pulido, ang PNOC Exploration Corporation o P-NOC-E-C ang magdumala sa pang-angkat sa diesel.
Hinoon, aminado si Pulido nga wala pa silay kongretong plano kung unsaon nga maapud-apod sa target beneficiaries ang mas baratong diesel.
Pero usa matud pa sa ilang gikonsidera ang pagbaligya sa dagkong kumpaniya aron ibaligya nila sa mga gasolinahan sa tibuok nasud.
Gisiguro usab ni Pulido nga mabaligya kini sa insaktong presyo.
Gilaumang mahuman na sa D-O-E sa sunod semana ang plano alang sa distribusyon sa mas baratong diesel.
Facebook Comments
