Nagpulong ang Project Management Office sa Department of Agriculture kon D-A alang sa Bangon Marawi Comprehensive Rehabilitation and Recovery Plan nga adunay katuyoan sa paghatag og tabang ngadto sa mga internally displaced persons sa Marawi City.
Ang maong panagtigum mituki usab sa mga draft implementing guidelines sa maong plano ug ubang dokumento sa pagpatuman sa mga nagkalain laing agri-fishery nga mga proyekto.
Ang D-A Regional Field Office 10 ubos sa pag-alagad ni D-A Regional Director Carlene Collado naggahin og 211.78 million pesos alang sa mga proyekto sa dispersal sa mga hayop ug mga post harvest facilities and equipment alang sa maong lugar.
Ang ubang ahensiya sama sa Bureau of Fisheries and Aquatic Resources migahin usab og mga proyekto sa pangisdaan.
