BACOLOD CITY – Gindakup sang mga utoridad pinaagi sa pagserbe sang warrant of arrest ang isa ka suspek sa kaso nga paghupot ang illegal nga armas kahapon sang aga sa Brgy. 3, Bacolod City.
Nakilala ang suspek nga si Ronie Ramos, 24 anyos ang edad, soltero kag pumuluyo sang Purok Cereza North, Brgy. 3, sining ciudad sang Bacolod.
Ginpahayag nga pasado las 11 kahapon sang aga sa balay sang suspek ginserbe sang mga katapo sang Police Station 2 sa pagpanguna sang hepe sini nga si PCI Benedicto Villarias, Jr. ang warrant of arrest nga gin-issue ni Hon. Judge Estefanio Libutan Jr. sang RTC Branch 50, 6th Judicial District, Hall of Justice.
Kaso nga violation sang RA 10591 ukon illegal possession of firearms ang kaso nga ginpasaka batuk kay Ramos.
Kapin sa P120 mil pesos naman ang ginrekomendar nga piyansa sang korte para sa temporaryo nga kahilwayan sang suspek.
Nahibaluan nga ang warrant of arrest napetsahan pa sadtong July 13, 2017./dyHB BACOLOD
