DAKPAN|2-karnaper, sikop

General Santos Cityβ€”Gikatakdang pasakaan ug kaso karong adlawng Lunes ang duha ka mga suspetsadong karnaper nga una nang nasikop sa operatiba sa kapulisan kansa responsabli sa pagpangawat ug motorsiklo ilawom sa area of responsibility sa Police Station 1 kagahapong adlawa.

Mga suspek giilang silang si Jeson Derayal, alias Jason, 20, residenti sa Klinan 5, Barangay Mabuhay, Gensan ug Herson Gaton alias Nonoy, 19 anyos, estudyante ug residenti sa maong lugar.

Ang duha suspek sapagpangawat sa motorsiklo sa biktimang si Bernie Cabangisan Aliponga, 36 anyos, lumad nga residenti sa Aleosan, North Cotabato ug kasamtangan na kaorn nga nagpuyo sa Gensan.


Nasayran nga igo ra niining giparking iyang Honda XRM nga motorsiklo atubangan sa Kaykay Balloon apan pag balik niini wala na ang motorsiklo mao nga iyang gireport sa Police Station 1.

Malampuson usab nga nasikop ang mga suspek sa may Diversion Road human naharang sa kapulisan. Narekober gikan sa posisyon sa mga nasangpit ang motorsiklo sa biktima; 1 ka improvised firearms (Sumpak); bala; ug (3) ka sachet sa gituohang shabu.

Facebook Comments