Daku nga volume sang tubig rason sang pag-overflow sa national highway kahapon nga adlaw.

Nagdaku ang volume sang tubig tungod sa pagbubo sang mabaskog nga ulan kahapon nga adlaw rason sang pag-overflow sang tubig sa canal sa national highway dire sa syudad sang Koronadal.
Apang suno kay Engineer Bernardo Hambala, maintenance chief sang Department of Public Works and Highways South Cotabato gilayon man nga nagsubside ang tubig baha sa national highway kag iya man ginsiguro nga bag-o pa man ang tig-ululan nakapatigayon na sila sang paglimpyo sang mga canal.
Ginkumpirmar man niya nga wala man sang mga debri ang nagbalabag sa mga canal tungod nakapatigayon naman sila sang pagpanglimpyo.
Aminado man si Engineer Hambala nga may pipila ka canal nga problemado, apang ginalauman niya masolusyunan suno pa ini sa tion nga mahimo nga six lane ang national highway dire sa syudad sang Koronadal.