EB MAGALONA, NEGROS OCCIDENTAL – Nadakpan sang mga barangay tanod ang tatlo tanan ka mga personal sa akto nga naga pot session sa sulod sang kampo sang tubo kaina sang kaagahon sa Had. Teresa, Brgy. Alicante, EB Magalona.
Nakilala ang mga suspek nga sanday Rey-art Limbang, 25 anyos ang edad, single pumuluyo sang Had. Teresita, Brgy. Nanca, Ronie Parcon, 20 anyos, single pumuluyo sang Brgy. Cudangdang, EB Magalona kag Rodel Perono, 29 anyos, kasada residente sang Brgy. 20, Victorias City.
Suno sa EB Magalona Police Station, ang mga suspek ang nadakpan nanday Brgy. Tanod Romelito Barredo kag Noel Cañete mga la 1:30 kaina sang kaagahon sa akto na naga-ruru sang shabu sa sulod sang kampo sa amo nga lugar.
Nakuha sa possession sang mga suspek ang isa ka sachet sang suspected shabu, alumnum foil, 2 ka cellpone, lighter kag P250 pesos cash.
Sa karon ang mga suspek ang detained na sa custodial facility sang EB Magalona Police Station./Melandro Benetua photo
