BACOLOD CITY – Dalaga gingusnit ang buhog kag gindumog sang duha ka mga kababaenhan bangud sang agaway nobyo kaina sang kaagahon sa Brgy. 14, ciudad sang Bacolod.
Ang biktima ginkilala kay Irish Castro, 20 anyos ang edad, dalaga kag pumuluyo sang Yulo’s Park, Brgy. 14, Bacolod City.
Nakilala naman ang suspek nga si Kelly Ann May Beriber, legal ang edad, pumuluyo sang amo nga lugar kag isa ka menor de edad nga bata nga babayi nga nakilala lang kay RR, pumuluyo sang Brgy. Pta. Taytay, Bacolod City.
Suno sa biktima may mga las 12 kaina sang kaagahon sa ila nga lugar samtang nga ini siya ang nagalakat sa dalan, hinali na lamang ini nga gin-kumprontar sang amo nga duha ka mga susek kag ginsukmatan kon ngaa gin-agaw niya sini ang iya nobyo.
Bangud sini, nagluntad ang paglinalisay tubtub nga ginpulihan dumog sang mga suspek ang biktima gani nag-angkon ini sang kasamaran sa iya lawas.
Napadulong sa Police Station 1 si Irish agud ipa record ang natabo sa iya./dyHB BACOLOD
