Nangayo og pasaylo si Misamis Oriental Governor Bambi Emano sa mga bakwit nga gikan sa Sitio Kamansi, Barangay Banglay, Lagonglong, Misamis Oriental nga naa karon sa hawanan sa kapitolyo probinsyal.
Kini tungod sa batikos ug pagkwestyon sa mga bakwit nga wala kini nagpakita ug nakig-istorya kanila bahin sa ilang hangyo.
Mahinumduman nga gusto sa mga bakwit nga papahawaon ang mga sundalo nga naghimog detachment sa ilang lugar ug ipahunong ang martial law aron makabalik na sila sa ilang dapit.
Gipasabot sa gobernador atol sa flag raising sa kapitolyo kaganihang buntag nga dunay mga butang nga dili niya pwedeng mahimo ug lakip na niini ang nasangpit nga mga hangyo sa maong mga bakwit.
Apan gipasalig ni Governor Emano sa mga bakwit nga padayon siyang mohatag og mga pagkaon.
PC: RadyoMaN Annaliza Amontos-Reyes
