Roxas City, Capiz – Handa na ang hilikuton sa Capiz para makatipon sang pundo para bulig sa mga kapulisan sang probinsya.
Ginpahayag ni Capiz Provincial Advisory Council (PAC) for Police Transformation chairperson Ivan Chu nga ang “Dalagan Suporta sa Kapulisan sang Capiz” ang kasado na para sa Nobyembre 18.
Ang nasambit nga hilikuton ang ginapangunahan sang PNP Provincial Advisory Council katuwang ang Municipal kag City Advisory Council kag sang Capiz Police Provincial Office.
Tinutuyo sang amo nga fun run nga makatipon sang pundo para ibulig sa mga kapulisan nga mahimo mabutang sa emerhensya subong sa kaso ukon atensyon medikal samtang nagapatigayon sila sang ila obligasyon bilang pulis.
Ang amo nga fun run magasugod las 5:00 sa aga sa Pueblo de Panay, Lawaan, Roxas City.
Nagpanawagan naman si Nacion sang suporta kag bulig sang publiko pinaagi sa pagpasakop sa sini nga hilikuton para mabuligan man ang kapulisan sa probinsya sang Capiz.
(by: Jemin Guillermo-PIA/Capiz)
