VALLADOLID – Wala na sang kabuhi ang isa ka Grade 11 Student nga dalagita, matapos ini nga nasapwan sang iya mga pakaisa, nga nagabitay sa balayan sang ila nga balay pasado ala una Sabado sang hapon sa Barangay Tabao.
Suno kay P/Sr. Insp. Junji Liba, hepe sang Valladolid Police Station nga antis nagluntad ang paghikog sang menor de edad, nagatext pa ini sa iya kahagugma, nga daw kaangay nga nagapamilin bilin na.
Ginpaathag sang nobyo sang biktima nga wala man sila nag-inaway sang dalagita.
Nahibaluan nga ulihi nga nakit-an ang biktima nga nagapanglaba apang sang gintawgan sang iya na nobyo wala na ini nagasabat.
Gindala pa ang biktima sa Valladolid District Hospital apang gindeklara ini nga dead on arrival.
Facebook Comments
