Patay ang dalawang drug personality at carnapper matapos manlaban sa isinagawang drug buy bust operation sa Xavier Heights, Upper Balulang dito sa syudad ng Cagayan de Oro kahapon.
Ang mga suspek ay sina Carmelito Salvedas taga Lanao del Norte at Ernesto Bradero na taga Tagoloan, Misamis Oriental.
Ayon kay Carmen Police Station Commander Chief Inspector Richie Salva, nang isinagawa nila ang drug buy bust operation nanlaban ang mga suspek sa pamamgitan ng paghagis ng granada.
Dahil hindi nakuha ang pin, hindi pumutok ang granada kaya binaril ng kapulisan sina Salvedas at Bradero.
Nakuha mula sa mga suspek ang granada, shabu, 300 pesos na buy bust money at ninakaw na motorsiklo na pinagmamay-ari ni Marjun Saloloy na taga Baungon, Bukidnon.
By: RadyoMaN Annaliza Amontos-Reyes
