Maga armao persona que asegun miembro del Ajang-Ajang Kidnap-for-Ransom Group connectao na Abu Sayyaf Group ya abducta con Ezzedin Suot L. Tan, un municipal councilor del Jolo, del Miercoles por la noche. Asegun na report desde na Sulu, ta man bisicleta si Tan junto con cuantos companiero cuando ya llega sila na boundery del barrio de Timbangan y Tagbak, na Indanan, Sulu pasada alas 6 del noche cuando un vegiculo Tamaraw lleno de maga armao persona el ya ataja canila y ya saca con Tan. Base na informacion desde conel maga testigo, el maga suspechao llebando con Tan ya biaja na direccion del Talipao. Dayun tambien el incidente ya reprta na otoridad donde el pulis junto con el militar ya conduci el hot pursuit operation. Na informacion ya recivi el RMN Zamboanga, asegun el familia Tan ya oyi ya maga rumor que tiene con quien ay man kidnap na lugar pero ya pasa estos de nobalenada con el cosa sila ya sabe. Nohay pa otro detalye ya dale el otoridad sobre con el reciente abduccion.
