Kini human ang insidente nga nahitabo niadtong Huwebes kung asa gibunal-bunalan ni Mayor Mel Buro sa iyang bakos si Ric John Rom human kini gibalikas ug nagbuhi og mga dili maayong pulong batok sa mayor.
Sa interview RMN ngadto kang Police Lt. Anthony Ofima, ang station commander sa Damulog Municipal Police Station gibutyag niini nga natigayon ang insidente sa P-2, Poblacion, Damulog kung asa samtang naniudto si Mayor Buro sa usa ka kan-anan ug paghuman og kaon niini, samtang paingon na sa iyang sakyanan, ninaug matud pa sa iyang balay si Ric John Rom ug gisumbag si Buro.
Kini matud pa ang rason nga gibunalan sa Mayor si Rom.
Niadtong Biyernes nagduso na matud pa og kaso si Buro batok kang Rom sa kasong Direct Assault ug Oral Defamation.
Samtang gihulatan pa sa kapulisan sa sunod nga lakang nga himoon sa habig ni Rom.
Nasayran nga dili kini ang unang higayon nga engkwentro tali sa duha.
