General Santos City–Moabot sa 2 milyones ka pesos ang gibana-banaang damyos sa nasunog nga bodega apil na ang panimalay nga gipanag-iyahan sa usa ka negosyante nga si Henry Chua nga anaa nahimutang sa Gonzales Subdivision sakop sa Brgy.Bula ning syudad pasado alas 7:00 ang takna sa gabie.
Sumala pa ni FO3 Filamer Acub ang arson investigator nga nagsugod matud pa ang sunog sulod sa bodega nga dunay mga sulod nga mga plastic wares, appliances ug uban pang mga butang og nadamay lamang ang balay niini tungod sa kadako sa kalayo nga milamoy sa lugar.
Dugang asoy ni Acub nga usa sa anggulo nga ilang gilantaw nga hinungdan sa sunog mao ang electrical gumikan kay basi sa pamahayag sa mga hingtungdan nga nakadungog sila og mga spark og pagbuto-buto sulod sa bodega nga meresulta sa pagkasunog.
Pagpaklaro usab ni Fo3 Filamer Acub nga niadtong panahona ang anaa lamang sulod sa panimalay mismo ang tag iya og ang iyang mga anak ingon man ang katabang niini gumikan kay anaa sa laing balay nagpuyo ang iyang mga trabahante sa likod lamang sa bodega. (Reynald Rimario)
(Photo Credit to the owner)
