Gitubag na sa MORESCO 2 ang reklamo sa katawhan kabahin sa sunod-sunod nga brownout bisan walay gipagawas nga advisory.
Human gipatawag sa Sangguniang Panlalawigan pinaagi ni board member Wayne Militante, mitunga sa sesyon si Engr. Ronel Canada, ang General Manager sa Misamis oriental Electric Services Cooperative 2.
Gipasabot ni Canada nga daot ang pipila ka poste hinungdang gakasinatian ang power interruption sa pipila ka lugar sa Misamis oriental.
Aminado usab si Canada nga kamulo pa ang ilang pag-upgrade sa mga linya ug sistema sa MORESCO 2 apan kulang pa ang ilang budget ug wala pa naaprubahan ang ilang hangyo.
Alayon niini, naghangyo si Canada sa pagsabot sa katawhan oras nga makasinati sa brownout tungod kay dili usab kini kagustuhan sa MORESCO 2 ilabina nga usa sila sa ma-alkanse.
