NEGROS OCCIDENTAL – Pagatingwa-an sang Department of Agrarian Reform (DAR)- Region 6 nga maresolba ang kapin sa 80 porsyento sang mga pending nga agrarian law cases sa bulan sang Hunyo, sini nga tuig.
Ini matapos sang pagpanghat ni DAR Secretary John Castriciones sa tanan nga mga opisina sang DAR nga dapat mahatagan na sang resolution ang tanan nga kaso may kaangtan sa agrarian reform sang gobierno.
Suno kay DAR Regional Director Stephen Leonidas nga sa bilog nga Region 6 may yara pa sila sang pending nga kaso nga naglab-ot tanan sa 1,463.
Paathag ni Leonidas nga kapin sa 408 lang ka kaso ang ila nahatagan sang desisyon ukon kapin sa 28 porsyento gid lamang.
Facebook Comments
