Davao City – Walay natalang untoward incident sa Davao City atol sa selebrasyon sa Undas 2026, sumala sa Davao City Police Office (DCPO).
Sa talaan, miabot sa 174,807 ka tawo ang mibisita sa nagkadaiyang sementeryo sa siyudad alang sa paghinumdom sa ilang mga minahal nga namatay.
Gipahigayon ang seguridad pinaagi sa pag-deploy sa 556 ka mga pulis, 136 ka personnel gikan sa nagkadaiyang augmentation units, lakip na ang Task Force Davao, Philippine Coast Guard ug Bureau of Fire Protection.
Mitabang usab sa operasyon ang 1,232 ka miyembro sa nagkalain-laing advocacy groups aron masiguro ang kaluwasan ug kahapsay sa mga sementeryo.
Mapasalamaton usab si DCPO City Director PCOL Peter Bauzon Madria sa tanang personnel, partner agencies, advocacy groups ug publiko sa ilang kooperasyon nga nakatampo sa malinawon ug luwas nga paghinumdom sa Undas 2026.
RadyoMaN Kareen Beltran
Facebook Comments
