Davao City – Misaka sulod sa unang lima ka bulan karong tuiga ang fire incidents sa Davao Region.
Sumala ni Bureau of Fire (BFP) 11 Chief Investigator SFO3 Ramil Gillado, misaka sa 268 ka mga insidente sa sunog ang miulbo gikan Enero hangto Mayo sa karong tuig 2019 gikan sa 199 fire incidents sa milabay’ng 2018.
Hinuon baba sa P45M ang damyos karong tuiga kun itandi sa P79M sa milabayng tuig.
Pagpasabot ni Gillado nga gawas sa residential, rason sa pagsaka sa fire incidents mao ang pagsulod sa non-structural fire incidents partikular ang mga grass o rubbish fires diin 102 ang susamang insidente karong tuiga kun itandi sa 37 sa milabay’ng tuig.
Matud niini nga sa bulan sa Pebrero nagsugod ang grass fire ug niadtong Mayo lang kini miundang.
Subay niini, kanunay nagpahinumdom ang kabomberohan nga kanunay sutaon ang mga electrical appliances sa mga panimalay aron malikay sa mga insidente susama sa sunog.
RadyoMaN Jason Amisola
