Davao City – Gibutyag ni Davao City Mayor Sara Duterte-Carpio nga nakab-ot na sa City Government of Davao ang 70% herd immunity batok Coronavirus Disease 2019 (COVID-19).
Gisulti sa mayor (sa interbyu sa city-owned radio), sa datus sa COVID-19 Vaccination Cluster, anaa na sa 72.68% ang fully vaccinated individuals o nakakumpleto na sa second dose sa COVID-19 vaccine, samtang anaa na usab sa 81.05% sa herd immunity ang naka-first dose ug naka-second dose sa bakuna.
“Ang first dose and second dose nato is 81.05% of herd immunity. Ang fully immunized nato is 72.68% of herd immunity, based on second dose (fully vaccinated),” butyag sa mayor.
Gipasidaan ni Mayor Sara nga bisan og nakab-ot na ang herd immunity sa syudad, ipadayon gihapon sa lokal nga panggamhanan ang vaccination drive ug kampanya ilabina niadtong wala pa o nagduha-duha pa nga magpabakuna batok COVID-19 ug ang rollout sa booster shots nga gitugot sa Department of Health (DOH).
Padayon usab ang pahinumdom ni Duterte-Carpio sa Davaoeños nga istriktong sundon ang minimum public health standards batok COVID-19 ilabina sa hulga karon sa bag-ong COVID-19 variant o ang Omicron nga gikonsiderang “highly infectious”.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
