Davaoeños giawhag i-check ang istruktura sa balay human sa linog

42
Davao City – Giawhag sa Davao City Disasrter Risk Reduction and Management Office (CDRRMO) ang Davaoeños o publiko nga i-check ang ilang balay human sa matigayong linog, human nasinati usab sa syudad sa Davao ang epekto sa 5.8 magnitude nga linog nga nisentro sa South Upi, Maguindanao niadtong Sabad (Agosto 13, 2022).

Matud sa CDRRMO, human sa linog, kinahanglang susihon ang tibuok istruktura sa balay kung aduna bay crack o buak, paghiwi sa haligi, epekto sa salog (basement floor) o ground flooring, sa hagdanan, bintana, pultahan ug atop.

Gawas niini, sutaon usab ang lutoanan ug segurohon nga walay leaking sa gas hose ug stoves. Ingon man pagsuta sa linya sa tubig kung wala nagbaton og leaking. Kung naguba, ipaayo una kini una gamiton pinaagi sa pagtawag sa plumber ug water district.

Sa datus sa Department of Science and Technology – Philippine Institute of Volcanology and Seismology (DOST-PHIVOLCS), ang nahisgutang 5.8 magnitude nga linog nihatud og Intensity V sa Cotabato City; Intensity IV sa General Santos City; Intensity II sa Davao City ug Kidapawan City.

RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments